史篤城「細」火燉刺

猪拉多纳

限米煮限飯廚藝精

足球營運係種深奧哲學，唔係隊隊都係曼城、車路士，對中小型球會嚟講，最緊要識「限米煮限飯」，用最少資源、最適合打法，去爭取最佳成績。史篤城屬小球會典範，佢哋防守銅牆鐵壁，最擅打下風波，今輪英超作客熱刺，捧細盤同下盤。

（有線301及201台周六晚11時直播）

睇番英超聯賽榜成績，曼城係最少輸波嘅一隊，十七場僅輸一仗，而曼聯、車路士同另一隊球隊緊隨其後，只係輸咗三場咁大把，佢哋就係史篤城。論人腳、板櫈深度同整體實力，史篤城同以上三支超巨型班差得遠，但都能用「蔗渣價錢整出燒鵝味道」，打出咁好嘅成績，更加值得稱讚。呢班波輸嗰三場，分別敗予曼聯、車路士同諾域治，睇得出有幾咁正氣。史篤城近七場未輸過，今場幾乎夫添上陣，肯定令熱刺吃盡苦頭。
熱刺跌Watt鋒力減

熱刺近兩仗有啲跌watt，主要因為王牌加里夫巴利缺陣，但呢名飛翼已經好番，今場可以出得，不過狀態應該未去到十足，面對史篤城超硬淨防線，相信唔會有太多甜頭。前鋒迪科爾雖然弗，但佢優點係擅守反擊，但今場面對死守鐵桶陣，唔係好啱佢發揮。加上艾迪巴約有傷，領隊保亞斯要變陣都幾頭痛。細鬼深信今場入波唔會多，史篤城亦有機會成功搶分。