泰國背水一戰贏「坡」

猪拉多纳

由於世界末日冇嚟到，東南亞錦標賽決賽次回合喺今晚繼續約定大家。首回合主場贏3:1嘅新加坡離開地頭素來打折扣，今鋪作客泰國曼谷睇怕凶多吉少，足智彩讓球盤泰國讓一球捧上盤。

（now671台周六晚8:00直播）
新加坡作客大打折扣

論實力泰國始終秤先新加坡，首回合作客輸波，肯定同唔適應新加坡個人造草主場有關。事實上，佢哋分組賽喺A組主場3戰全勝，到4強戰亦喺主場輕取馬來西亞兩粒，反觀新加坡於分組賽就曾經喺中立場馬來西亞不敵印尼，所以話作客演出打折扣絕對唔係講笑。

再者，泰國始終有腳風大順嘅射手鄧達孭飛，目前以5球排賽事射手榜首席，雖然隊長守將旺沙足踝受傷或避戰，但「獅城」都一樣繼續有中場重心夏倫同施佳懿缺陣，加上負責衝散泰國防線嘅箭頭杜歷治都已經42歲，一周雙賽未必頂得住。

首回合：泰客負1:3
東南錦賽制及冠軍賠率

採主客兩回合淘汰制，今輪為決賽次回合，若總比數相同，作客入球較多一隊勝出，再和則於次回合後加時作賽。若加時入球數字相同，客隊憑作客入球優惠勝出，若加時沒有入球，則需互射12碼決勝。

賽事編號：2

1.泰國 2.80倍

2.新加坡 1.38倍