賓菲加葡聯盃惡晒

猪拉多纳

今日除咗有英超及蘇超，葡聯盃亦有六場比賽上演，D組賓菲加作為對上四屆葡聯盃盟主，爭盃決心唔需要懷疑，主隊摩里倫斯目前排聯賽榜包尾，難以分心兼顧爭盃賽，賓菲加有力淨勝兩球或以上，捧2.02倍「讓球客勝」。

（周一凌晨零時開賽）
四連霸分組賽勝率高

賓菲加除連奪四屆葡聯盃冠軍，對上四屆共十二場分組賽亦取得十一勝一和不敗佳績，絕對唔會手軟，今屆葡萄牙盃第四圈，賓菲加作客摩里倫斯曾以二比○淘汰對手，今次有望食過翻尋味。同組另一場賽事科英布拉大學主場鬥奧漢倫斯，科大目前排聯賽榜尾二，奧漢倫斯則比佢哋多一分，預計兩軍未來都要為護級而努力，今場盃賽戰意存疑，兩軍攻力同樣疲弱，首選入球細。最後A組波圖作客鬥艾斯杜尼，艾斯杜尼近四場比賽有三場交白卷，狀態一般，波圖首場分組賽不費吹灰之力輕取國民隊，今場贏波冇難度，捧「讓球客勝」。

猪拉多纳