波圖艾斯杜尼大鬥法

猪拉多纳

名牌球隊永遠有種獨特嘅魔力，無論成績或者近況點差都好，佢哋始終都有捧場客長期支持。英超老牌球會利物浦現時正處於重整期，水準非常飄忽，但仍然經常被熱捧，佢哋踢得順可以喺主場大炒富咸，衰起上嚟對史篤城完全冇得打，演出忽龍忽蟲，站喺菠菜角度嚟睇，絕非長期追捧對象。

利物浦大盤好過W
利物浦前線確實有唔少好球員，王牌射手蘇亞雷斯係英超頂級前鋒，新星史達寧速度飛快，亦係可造之材，不過，「紅軍」最大問題係鋒強衞弱，經常前面入埋唔夠輸，若然未搞掂後防問題，真係唔好睇得咁高！作為菠菜者，一定要理智，利物浦依家好睇唔好賭，今次作客昆士柏流浪又要讓波，上盤唔抵買，佢哋入得失得，玩大盤好過。

同日仲有幾場葡萄牙聯賽盃，名牌球隊波圖出到去歐洲賽只係二班頭、一班尾球隊，喺國內就大超班，所以逢出必熱。不過，超班還超班，喺盃賽場合比賽態度都好重要，波圖打盃仔唔慌肉緊，今次作客艾斯杜尼讓得多，分分鐘熱倒，呢場可博下盤，兼顧埋入球大，隨時可以雙殺！

肥叔心水
車路士 上盤

昆士柏流浪 大

艾斯杜尼 下盤、大