森多乘勇雙殺AC

猪拉多纳

意甲重開首周爆到七彩，肥叔講過歇冬後要小心名牌走樣，其中森多利亞作客打少個照贏祖雲達斯，跌到一地眼鏡碎，上盤客走地再追祖記，最終重創收場。森多今次回師主場對住另一名牌球隊AC米蘭繼續受讓，一於再博下盤！（周一凌晨3時45分開賽）

森多利亞今季戰績唔算特別好，現時位列意甲中下游，仍有護級壓力，不過呢班波係正宗神經刀，打強隊有一手，上場劣勢下贏祖記當然係代表作啦！另外，大軍今季曾經作客戰勝AC米蘭，今次再戰AC，可以沿用上場戰術，現時有得受讓半球，個盤相當抵玩，一於要下盤。
蘇斯達主宰拉科

同日西甲賽事皇家蘇斯達主場對拉科魯尼亞，蘇斯達上場心存大慾，作客皇馬大膽照砌，仲差啲攞到分，反映呢班波搏起上嚟都幾犀利，今次返主場威力更強，又屆出擊時候。拉科上場贏波反彈，但佢哋客場水準曳，睇怕都係難搶分，呢場要上盤。

（now 632周一凌晨零時直播）