西甲獨腳戲撐基達菲

猪拉多纳

今晚西甲上演獨腳戲，由基達菲主場迎戰護級分子CF格蘭納達，兩軍近況都極為低沉，但基達菲始終坐擁主場之利，加埋佢哋喺西班牙盃出局後可以集中應付聯賽，絕對有能力擊敗弱旅格蘭納達，小妹當然捧1.74倍主勝啦！

（開賽時間：周二凌晨3:00）

基達菲近排已經6場未贏過，啱啱又喺西班牙盃畀馬體會淘汰出局，場上嘅頹爆表現，真係好難想像佢哋今季原來贏過皇馬同埋馬拉加！查實佢哋贏過班霸級對手，證明隊波絕對有質素，當初可以戰勝皇馬，查實係靠成隊夠齊心夠搏命，難怪主將迪亞高卡斯度呼籲班隊友要踢得更有壓迫性，話要做番齣好戲，畀特登買飛入場嘅球迷睇咁話，佢哋如果的起心肝踢出水準，砌低格蘭納達絕對冇難度。
格蘭納達缺首席射手

雖然基達菲係就係幾耐冇贏過，但單講主場戰績，其實一啲都唔曳，睇佢哋近5場都未輸過就知，反觀近5戰得1勝嘅格蘭納達，今場仲有攻擊手米基爾列高及後防重心恩拿高盧比斯停賽，首席射手艾拉比又要代表摩洛哥踢非國盃，一口氣少咗3件，對整體打擊都咪話唔大，今場都係幫主隊反底居多。