羅馬國米細盤有辦睇

猪拉多纳

意大利盃四強首回合羅馬主場對國際米蘭。雙方幾日前先喺聯賽對陣，當時打和1比1，事隔幾日兩隊轉戰盃賽再鍊過，相信形勢唔會有太大改變，要3.5球中位數嘅入球細。（now 633及660周四凌晨3時45分直播）
羅馬歇冬後跌Watt

有項數據好值得提出，羅馬近三場賽事嘅大細中位數都定為3.5球，而三場都係開出細盤。另外要留意羅馬自歇冬後踢過四場比賽，當中只取得兩個入球，其中一粒仲係靠十二碼，由此可見羅馬入球能力嚴重下滑。另外，意盃四強係打兩回合，而且計算作客入球，預料羅馬今場唔會踢得太過開放，以免失作客入球。

國米近況亦欠佳，全因傷兵問題太嚴重，除卡斯辛奴外，另一位前鋒迪亞高米列圖亦養傷。至於菲臘比古天奴、史坦高域及列卡度艾華利斯仍未康復，荷蘭中場史奈達又去咗土耳其搵食，具進攻能力球員所剩無幾。依家國米火力疲弱，入波唔容易，細盤值得追捧。