慕遜加柏邊路反擊拆紐

猪拉多纳

德甲早場紐倫堡主場鬥慕遜加柏，紐倫堡過去係慕遜加柏嘅剋星，今季首循環作客亦爆冷贏過慕遜加柏3比2，不過今場主客互易情況又唔同，已重返正軌嘅慕遜加柏有力報仇，作客受讓平半宜捧下盤。

（有線61及201台周日晚10時30分直播）

慕遜加柏經過季初換血調整期後，近期明顯好番晒，聯賽已經保持7輪不敗，而且作客係強項，今季10場作客聯賽只輸兩仗，主要原因係唔擅長喺主場圍攻對手，但佢哋擁有翼鋒艾蘭高、翼衞雲特同年輕小將魯比呢啲擅長邊路快速球員，打反擊真係一流。
紐倫堡戰將士氣差

紐倫堡本身論質素已經唔及慕遜加柏，加上痛失教頭赫基，歇冬後表現甚差，佢哋較早前喺熱身賽面對德乙榜尾嘅雷根斯堡竟然慘吞5蛋，班球員落場懶懶閒根本唔想搏，士氣甚差，今仗主場都讓唔起波。
Hoffenheim CL Winner

國籍：德國

47歲，自小是史浩克擁躉，居於德國南部城市海德堡鄰近的辛斯海姆，即賀芬咸大本營，對兩支球隊都有濃厚感情及深入資訊，除為多個德國足球網頁撰寫球評外，亦在個人博客hoffeclwinner.blogabet.com 提供免費足球推介。