聖日耳門速決索察

猪拉多纳

碧咸效應無堅不摧

等咗兩個禮拜，碧咸上周終於抵達巴黎聖日耳門參與球隊操練，到底周一凌晨聖日耳門作客索察嘅法甲聯賽佢會唔會粉墨登場？據報碧咸狀態仍未十足，所以教練安察洛堤好大機會下輪對馬賽嘅國家打吡先會畀佢上陣，不過受到「碧咸效應」刺激，聖日耳門於各項賽事已保持6連勝，面對下游隊伍索察亦力足全取三分。

（周一凌晨4時開賽）
咸哥或下場對馬賽至出

碧咸上周隨聖日耳門大軍作客去到西班牙，欣賞對華倫西亞嘅歐聯十六強比賽，然後便返回巴黎首次正式參與操練。據當地傳媒報道，安察洛堤今場暫時唔會派碧咸上陣，如無意外，下周主場對馬賽嘅國家打吡「萬人迷」碧咸先會同大家見面。不過無論有冇碧咸，今季聖日耳門實力於法甲已有大超班之勢，經過半季融合，球隊歇冬後愈戰愈勇，連盃賽在內8戰7勝1和，其中作客4場全勝，信心爆晒棚。
敲1.82倍「半場客勝」

索察歇冬後主場曾經連勝馬賽、蘭斯，不過近期表現又開始走樣，對上三場聯賽贏唔到之餘，球隊只入一球，防線不穩又冇反撲能力，要爆冷機會微乎其微。如果嫌聖日耳門客W得1.33倍太乏味，可敲1.82倍「半場客勝」，因為聖日耳門近4次作客贏波都開「半勝全勝」，今場隨時半場已可搞掂對手。