卡坦尼亞狼吞博洛

猪拉多纳

主場惡霸 又有餐開

大戶喺剛過去嘅周中喺歐聯同歐霸盃連場搏殺失手，一年總有一兩次出現呢啲情況，跟風客唔信邪場場追場場輸，新正頭搞到損手爛腳，真係唔老利！肥叔揀波着重個人分析，唔會盲目跟風，今次睇中場意甲，主場惡爺卡坦尼亞對住博洛尼亞，捧上盤！

（周日晚10時開賽）

肥叔已經唔只一次品評過卡坦尼亞，呢班波名氣唔大，但主場惡氣十足，單計主場評級絕對係意甲前列分子，今季淨係輸過畀兩大勁旅祖雲達斯同AC米蘭，等閒之輩絕對唔係佢哋手腳。卡坦尼亞近期先後喺主場贏過實力分子費倫天拿同羅馬，歇冬後保持穩定發揮，今次主場對博洛尼亞只係讓半球，盤口合理，又到起筷時候，呢隻上盤捧得過！
愛奴勢盛追擊貝迪斯

同日西甲賽事愛斯賓奴主場對貝迪斯，主隊歇冬後狀態大勇，淨係輸過畀外星球隊巴塞隆拿，近仗連場贏波贏盤，已經打起個勢，呢類球隊實力唔算強，打士氣多過打實力，順開可以繼續跟進。貝迪斯排名唔上唔落，位置尷尬，近期佢哋搶分攻勢放緩，需要時間慢慢調整，今次作客難有作為，受讓都靠唔住。

（周一凌晨4時開賽）
肥叔心水

賓福特下盤

卡坦尼亞上盤

森多利亞下盤

利物浦大

愛斯賓奴上盤

華歷簡奴下盤