卓爾非凡實搏

猪拉多纳

　　上期田賽部分賽果各走極端，一係熱到買唔落手，一係爆到唔清唔楚，普羅馬迷最怕呢類賽果，熱又嫌熱，冷又買唔到，最終結果只得一個，阿棟真係唔記得幾時開始，熱門愈來愈熱到冇味，都幾冇癮。

　　第二場四班2200米。「多豐裕」唔係叻，跑極未贏，唔係蔡質優好料，好在陣上演出算係冇大起大落，長途能力唔係太削，對住一堆比較普通同班馬，唔敢話實贏，上名一定夠資格。

　　帝國勇將路合

　　第五場一班1200米。「帝國勇將」上賽縮程跑1000米，末段完全冇之前那段爆發力，狀態落？抑或路程不合？審死官吧。

　　我建議抹去「帝國勇將」剛仗敗績，事關之前兩場1200米，一陣風咁趕過「善」及「讚賞」，贏得好有氣派，估計在一班賽唔會冇得鬥。

　　第六場一班1650米。「卓爾非凡」之前曾經腳傷，隔了一段長時間冇出賽，4個月有多，薛達志報得名，代表隻馬冇問題，以呢匹馬級數，只要跑得番，在一班作賽唔係冇惡氣，配上郭能，大有出擊決心。