超皇鷹票數硬淨

猪拉多纳

　　韋達同潘頓喺周三賽事鬥得咁勁，今日兩位人兄嘅坐騎當然熱啦，問題係，如果某場賽事，韋達潘頓齊齊在場，而且騎嘅係實力馬，喺咁嘅情況下，仲有其他馬夠膽落飛，就真係信心十足啦，第八場嘅「超皇鷹」就係呢類怪飛馬啦。

　　「超皇鷹」今季跑咗四場，兩次獨贏賠率低過7倍，都係由柏寶操刀。呢次柏寶停賽，大摩決定搵馬偉昌騎呢匹馬，同場韋達騎今季四捷馬「太陽好好」，潘頓騎對上兩仗都入三甲嘅「一言為定」，「超皇鷹」唔應該熱先啱，偏偏佢隔晚曾成3.5倍大熱門，唔通同佢排2檔有關？唔好理咁多，都係揀佢穩陣。

　　騎師王方面，得韋達騎足十場，1.55倍係正常，都係咪博其他騎師啦。周仲