紐卡素主場夠惡唔赦安治

猪拉多纳

歐霸盃16強大戰連場，英超球隊紐卡素主場鬥俄羅斯富豪球會安治，安治名大於實，踢落唔係咁叻，反觀「喜鵲」增兵後實力評級明顯上調，今場莊家開緊平手盤，可捧紐卡素！（有線64及203台周五凌晨4時05分直播）

安治首回合殺聲震天，加上紐卡素未有夫添出擊，所以佢哋賽前瘋狂落飛，由讓半一變讓一球，盤口硬淨，飛數好勁。不過，安治踢落原來唔係高好多，全場冇乜威脅埋門，最終雙方互交白卷，累到跟風客損手爛腳，唔好睇得呢支名氣球隊太高。「喜鵲」有好多高質素法國兵，點秤都唔輸蝕，加上佢哋主場夠惡，平手盤值得捧場！
魯賓卡山讓得起利雲特

同日另一支俄超球隊魯賓卡山主場對西甲大軍利雲特，論名氣魯賓卡山唔及安治，但呢隊波近年歐戰經驗豐富，曾經鬥過超級勁旅巴塞隆拿且不落下風，上一圈仲踢走埋奪標熱門馬德里體育會添，絕對係一路奇兵！首回合作客利雲特踢成0比0，返到主場就要讓對手半一，考慮到利雲特只係西甲二線球隊，加上呢個盤走勢一路都好硬淨，上盤可一試。

（有線63台周五凌晨1時直播）