德乙榜首雙雄輕鬆大作戰

猪拉多纳

周二凌晨德乙獨腳戲上演榜首大戰，聯賽榜首、次席哈化柏林與布倫瑞克正面交鋒，兩軍近況同樣弗爆，加上已經遠遠拋離第三位嘅凱沙羅頓，直接升班資格已坐定粒六，可以放開懷抱為錦標而戰，捧2.15倍入球大。

（周二凌晨2時15分開賽）

哈化柏林現以一分之微領先布倫瑞克，哈軍今季十三場主場聯賽九勝四和未輸過，後者作客聯賽亦有逾八成不敗率，實力旗鼓相當，邊隊贏輸好睇臨場發揮。唯一肯定係排第二嘅布倫瑞克已經領先第三位凱沙羅頓十分，大家基本上都已穩佔兩席直接升班資格，無後顧之憂之下相信會放膽對攻，兩軍射手甘巴拿及朗尼希巴臣分佔射手榜頭兩位，彼此鬥射術入波預料唔會少。
串波圖大兵工廠上盤

另一場葡超波圖主場鬥布拉加，未計昨晚成績，波圖落後榜首賓菲加四分，為保爭標希望冇失分空間，佢哋近五次主場鬥布拉加四勝一和，每次贏波至少都能攻入三球或以上，可續追捧大盤。最後阿甲秋沙蘭迪兵工廠主場鬥學生隊，兵工廠主場夠惡氣，連盃賽已累積四連勝，學生隊近七場聯賽未贏過，表現今非昔比，主隊讓平半捧上盤。

猪拉多纳