意甲首都打吡入球騷

猪拉多纳

本周意甲壓軸好戲為首都打吡，由羅馬掛牌主場對拉素。兩支球隊正為來季歐洲賽資格而努力，今場名副其實打甩髀。留意到近年雙方對賽總係炮製唔少入球，相信今次都唔會例外。加上一對首都球隊都要搶分，今場冇理由會縮住踢。球員抱進取心態的話，今場入球唔會少，大盤可捧。

（周二凌晨2時45分開賽）

羅馬於季初至季中受到捷克教練施文所影響，球隊踢法好進取。你好少見到羅馬會打穩守突擊，咧住踢會如常推前，落後就更加冇保留。賽前《米蘭體育報》話羅馬會打3-4-3陣式，擺大個頭用意明顯，打吡大戰一於攻到你慌。
羅馬拉素和波大家冇着數

拉素急需搶分，和波根本冇好處，今場一樣會踢得進取。更重要係德國前鋒高路斯傷愈復出，球隊攻力必大幅度提升。實在幾位拉素前鋒包括費路卡利、沙夏及高薩克，冇一個級數及得高路斯，老大哥復出必令拉素更具侵略性。對手羅馬攻強守弱，拉素要入波唔係難事。羅馬及拉素今場肯定會大駁火，戰況激烈入球唔會少，大盤低水照捧。