全北紅鑽再演韓日「大」戰

猪拉多纳

兩隊射手fit爆有貨交

亞冠盃F組再上演韓日大戰，全北汽車喺主場對浦和紅鑽，繼續追入球大最穩陣。上星期兩隊碰頭，作客嘅全北竟然夠膽安排隊長李東國做後備，擺明唔放對手喺眼內，既然信心大過天，今場應該唔憂冇波入，1.72倍入球大抵玩！

（now671台周二晚6:00直播）

上星期全北作客浦和開波6分鐘已經落後，不過下半場調入射手李東國後，形勢完全逆轉，最後全北連入3球反勝3:1，李東國都有1個入球，其實賽前紅鑽後衞森協良太曾經話，希望自己能夠嘜死李東國，依家佢可能知道，近年日職球隊嘅實力已經及唔上韓職球會。何況李東國今場實踢，佢喺賽前記招仲強調自己嘅體力冇問題，肯定可以搏足90分鐘添。
紅鑽近5仗4場開大

另一方面，紅鑽今季火力比上季更加強，日前喺聯賽以2:1反勝磐田山葉後，近5場有4場開入球大，期間攻入11球，而且前鋒原口元氣繼續有貨交，開季至今有5球進帳，包括上場完場前入波絕殺磐田，即使紅鑽今場未必搶到分，都唔似會舉手投降。

事實上，現時紅鑽喺積分榜以2分落後全北，再輸嘅話分數差距會拉開到5分，剩低兩場分組賽想翻身絕對唔容易，加上新簽入嘅射手興梠慎三，開季至今竟然完全冇波入，為咗證明自己唔係佗衰家，佢點都要諗辦法入波，隨時幫到手開入球大。
亞冠盃賽制

32支球隊分8組進行小組雙循環賽，每組首、次名躋身16強。

亞冠盃F組