拉素反擊大報復

猪拉多纳

首回合踢少個不敵「土匪」

歐霸盃8強次回合，拉素返回主場再撼費倫巴治，拉素首回合「讓賽」，有半場時間踢少一人，寡不敵眾之下輸0比2的確唔抵。其實呢支意甲勁旅級數不在費軍之下，齊腳出擊絕對有得踢，報仇心切今仗必喪攻。費倫巴治一改土耳其球隊「恐客症」弊病，伺機打突擊隨時有斬獲，Mic少認為入球大有1.92倍抵玩。

（有線61及201台周五凌晨3時05分直播）

拉素首回合作客原本同費倫巴治拉成均勢，但中場奧根耶奧拿斯唔生性，下半場僅3分鐘就被逐，打亂晒呢支羅馬球隊嘅部署，人少打人多惟有焗守，之後輸12碼加上補時再失一球，導致落後兩粒實在唔好彩，但輸0比2呢個戰果並唔代表拉素實力低於對手。

事實上，拉素人腳上乘，射手高路斯擺脫傷患後，狀態不斷提升；中場靴蘭尼斯上仗首都打吡戰，射入一球世界波，呢位巴西國腳上仗亦12碼宴客，間接導致拉素被羅馬逼和，揚言今仗要將功贖罪，鬥志十分高昂，可望做齣好戲。加上高薩克、簡達華攻門威脅力亦大，入波機會高。
費倫巴治攻力唔曳

費倫巴治並冇土耳其球隊作客腳軟嘅弱點，佢哋今屆歐霸盃分組三場作客全勝，包括贏馬賽及慕遜加柏，16強亦係靠作客贏波晉級，去到意大利比賽未驚過。費軍擁有古積特、韋保等進攻能手，若然拉素空群而上，隨時被佢哋反咬一口，所以今場捧大最啱心水。

猪拉多纳