洛辛堡「讓主」開殺戒

猪拉多纳

今日大戰連場可以玩通宵，講到底打好個基礎先係最重要！頭輪賽事力奇最睇好係（五）6 挪超嘅洛辛堡，呢隊老牌班霸今季吐氣揚眉大翻身，開咧3戰全勝入9球未失過波，強勢主場鬥新升班嘅史達，肯定可以大開殺戒，1.75倍「讓主」冇走雞啦！
哈化贏鬥志博客W

連續兩季失落錦標嘅洛辛堡，今季志切復仇，撞正衞冕冠軍莫迪今季黑過墨斗3連敗，洛辛堡班波士氣肯定格外提升。值得留意係佢哋今季所入9球竟然係來自8個唔同球員，得分點多自然令對手防不勝防。客軍史達今季開咧兩戰得1勝1和表現唔差，可惜教頭美爾迪太過心雄，今晚話要鬥攻，仲唔係等做炮灰？

再嚟多場心水就要留意德乙「一哥」哈化柏林，今輪贏波的話，只要排第3嘅凱沙羅頓下周二凌晨失分，哈化就可以攞到升班席位，鬥志唔使懷疑，贏實力1.68倍客W要捧場！