史雲頓衰夠掃克氣

猪拉多纳

周三凌晨又有英甲賽事上演，其中一場由史雲頓主場對克魯。留意到史雲頓踏入四月之後未贏過兼冇入球，演出衰得緊要。但操盤手對於主隊依然信心十足，主W賠率低至不足1.4倍！純計實力，史雲頓肯定喺對手之上，預料今場可輕鬆擊敗對手，「讓球主勝」可捧。

（周三凌晨2時45分開賽）
克魯戰意成疑

史雲頓連輸三場係事實，不過要留意三場都係作客比賽，加上有兩場嘅對手係前列球隊唐卡士打及錫菲聯，史雲頓失分可以理解。如今強手盡去兼重返主場作賽，整個形勢就唔同晒。要知道史雲頓仍要為積分榜前六位努力，今場必定全力以赴。對手克魯位列中游，既難打上前列又不愁降班威脅，可謂處於無欲無求境界，戰意好成疑問。眾所周知克魯今季主要目標係英錦賽，既然獎盃已經攞到手，球員戰意肯定冇咁強。留意到克魯近兩場聯賽都落敗，可知球員作戰心態已經出現變化，今場再輸畀史雲頓好正路。