水晶宮搶W爭升班

猪拉多纳

今晚幾乎係英格蘭聯賽天下，「四眼哥」今日做替工，覺得好幾場英冠波都會係客軍好路數，其中包括（二）8葉士域治對水晶宮場波。

由於水晶宮近況唔多掂，連續5場聯賽只得2和3負，攞得嗰兩分，由原本有機會爭個亞軍直接升班，到依家連個升班附加賽資格都呈現危機。由本來嘅形勢大好，到家陣震過貓王皆因近5場隊波唔爭氣，所以今場佢哋作客排名低十幾位、但近況好好多嘅葉士域治，個W賠率都差唔多，完全唔似樣。

由於水晶宮踢埋今晚場波，英冠就得番4輪賽事，水晶宮今場再唔生生性性贏波攞3分嘅話，就會大大加強之後4場聯賽嘅比賽壓力，所以「四眼哥」相信，水晶宮就算今場有澳洲中場積甸拿克停賽，作客都會搏老命。葉士域治上仗主場1:2不敵侯城，未能打造6場不敗走勢，或多或少會有啲洩氣，何況佢哋之前喪取11分，已經成功逃離降班區，鬆咗口氣，今遇上知恥近勇嘅水晶宮，再喺主場輸波又有乜出奇？進取啲，直取水晶宮客W！