羅馬轉玩穩陣波博讓「禾」

猪拉多纳

歐洲各地聯賽都進入最後階段，雖然大部分冠軍都已經塵埃落定，但歐洲賽入場券同護級戰仍然爭崩頭，好似今晚場意甲咁，就有誓保歐霸資格嘅羅馬喺主場迎戰基爾禾，小妹深信有奧斯華度壓陣嘅「雌狼」有力憑質素小勝對手，一於冷敲3.75倍「讓球和」啦！

（開賽時間：周三凌晨2:45）
雌狼要搶分踢歐霸盃

家陣意甲得番3輪賽事，第5名嘅羅馬幾可肯定緣盡來屆歐聯，即使係歐霸席位，「雌狼」到家陣都仲未穩陣，皆因第6嘅烏甸尼斯步步進逼，依家只係差羅馬1分！堂堂首都球會，「雌狼」再冇歐洲賽玩的話，班球迷分分鐘暴動都似！所以佢哋喺嚟緊呢3場波，肯定會當決賽咁踢！
「飛驢」基爾禾少大敗

事實上，羅馬擁有全意甲最強嘅鋒力，小妹亦相信近14戰主場得1敗嘅佢哋可以全取3分，弊在佢哋嘅防線係聯賽第二差，場均失球達1.54球，教頭安迪亞索尼都知自己班波有攻強守弱嘅毛病，後防大將巴沙列堤今晚仲要停賽添，今鋪隨時會故技重施，好似早兩日鬥費倫天拿咁，先求穩守，再搵機會隊你1粒就收工！

講到客軍基爾禾，呢支「神奇飛驢」家陣排喺第13位，往往仲可以靠突擊收死強隊，論實力，基爾禾其實唔差得過羅馬好多，最重要係睇番佢哋近期嘅比賽，近10戰只係試過1次輸2粒或以上，與其博佢哋大敗，不如冷冷哋玩個「讓球和」咪仲好！