蘇保羅精兵破悶局

猪拉多纳

　　早排騎師冠軍之爭，鬧得熱哄哄，韋達與潘頓互片，二人輪流威，但自從韋達領先若干場數後，大家都靜咗落嚟，其中韋達成績先至得人驚！最近3期賽事出馬26匹，只得一贏四位，剛剛夜賽仲「直通車」，由頭場輸到尾場！佢班fans真係輸到一殼眼淚。今期韋達9駒上陣，熱門坐騎多的是，唔係叫大家刻意迴避，捧邊匹？真係要諗清楚。

　　另一方面，講到近期成績普通嘅馬房，蘇保羅係其中之一，自從三月贏完「喜寶龍威」之後，前前後後差不多兩個月冇馬贏。何時重新振作？可能就在今期，千祈咪睇小區區出馬3匹。

　　第一場「四貝勒」，贏完場五班1200米，回到四班完全唔掂，輸足九條街，場場輸到好似陣中流鼻血咁，唔通班次壓力大得咁緊要？呢點真係唔知道，不過，今場回降五班，用番杜利萊，唔係冇誠意。

　　第二場「金碧陽光」，輸極都唔怕，所指係票數，場場成為大熱門，場場贏唔到！但到今次票數仲係熱到飛起，隔晚WP重票墊底。難得潘頓未放手，質高馬買埋今場。Jack