蔡約翰再起「風雲」

猪拉多纳

　　剛周三之戰，告東尼眼中勁敵蔡約翰同方嘉柏只係各贏1W，反為葉楚航振作起個孖，重奪練馬師榜首地位，不過，信告仔眼光的話，佢預測隨時在今期應驗。因為兩位勁敵都派唔少年青好手出戰，尤其係蔡神仙，兵源唔算多，勝在幾匹均有贏面。

　　蔡廐今日之馬如第四場「競駿風雲」、第六場「如你所願」及第十場「泰山」，都係陣上已有證明，睇佢都係時候出手，進一步拉近差距。

　　「競駿風雲」揀得今日出賽，冇理由想失威，話晒今日有場競駿會五周年盃，如果又出嚟輸，真係有咩為！？而上場戴罩跑得比前好，嘗試再增程，有力作出突破。「如你所願」及「泰山」，比起廐侶有根據，季內曾經贏過馬，前駒升至三班之後，上場即刻跑番好，反映適應了環境；後駒初上二班唔係冇壓力，好在磅輕又夠主動，唔可以睇小。Jack