呂卓賢南莊多寶升格即爆

猪拉多纳

姚廐見習生呂卓賢呢輪變咗當紅炸子雞，對上兩次賽事夾埋贏五場，初嘗騎師王之餘兼贏夠20Ｗ升格。雖然由減十磅變成減七磅，但依然無打窒賢仔道旺氣，尋日第三場五班田草1800米幫伍廐「南莊多寶」一放到底開齋，啱啱升格就爆出24倍冷Ｗ，可喜可賀。呂卓賢自從上月尾贏咗隻「東成西就」之後，佢同伍碧權嘅合作馬好似橫行馬場咁款，直落有「友運行」、「御鋒」、「金鹿」同尋日嘅「南莊多寶」贏馬，差唔多隻隻好分，勁到不得了。嚟緊禮拜三佢哋又有「大旋風」合作，梗係要吼住。
       
南莊多寶一放到底，爆出24倍冷Ｗ。
權哥32Ｗ創新高

另外，權哥尋日以「銳不可擋」同「南莊多寶」起孖，季內累積32Ｗ，打破92至93年度30W嘅紀錄，創咗個人新高。