凱旋威落班出擊

猪拉多纳

　　賭博士昨日指出，騎師賣命無非為錢，正如賴維銘與安國倫，剛剛經歷墮馬意外，二人大難不死，理應心有餘悸，豈會有心情繼續比賽？回看上日，他們在餘下場次繼續上陣，舉動完全違反常理，結果賴維銘拼罷「海之濤」才退出，此駒跑第三，安國倫則有「錦繡河山」和「可愛人生」分獲亞季。

　　回說今次賽事，賴維銘於排位朝原擬出賽，直至昨午才傳出休戰消息。何解賴仔嫁又唔嫁？相信是他胯下坐騎內藏靚馬，所以便萌起上陣念頭；至於後來唔跑，分明是他深明健康重要，留得青山在，日後贏馬機會多的是，沒有必要操之過急。

　　如果假設屬實，那麼賴仔原定的參戰馬中，何駒最有搏殺動靜呢？賴仔是強哥愛將，對吳廐馬匹瞭如指掌，第三場「凱旋威」與第七場「心甜意合」，照計應是靚馬也！

　　先講「凱旋威」，季內六戰一次入Q，該役乃身處五班比賽，反之其餘五戰四班皆北。今次減夠分重返五班作賽，處女馬砌硬！至於「心甜意合」，今季跑直路賽曾敗給「醒目波幅」入Q，賽績極具說服力，又是一路奇兵。