上季聯賽31次先開紀錄

猪拉多纳

捧祖雲達斯入波先
意超盃今晚喺羅馬奧林匹高球場開戰，由去季意甲冠軍祖雲達斯火併意盃盟主拉素。「斑馬兵團」上季係「最先入球王」，今個夏天簽埋泰維斯之後火力進一步「升呢」，第一隊入球一於捧1.62倍嘅祖雲達斯。（開賽時間：周一凌晨3:00）

高路斯對祖記死火
衞冕意超盃嘅祖雲達斯，原定前日喺羅馬市郊嘅保希斯安拿球場閉門操練，不過教練干地就對草地質素同周邊配套勁唔滿意，勞師動眾轉場去到柏保路卡禾利體育中心練波，鬼咁認真備戰，真係抵佢老人家撈得咁掂！祖雲達斯今季掃入泰維斯同洛蘭迪兩件生力軍，但干地就認為洛蘭迪仲未夾熟班隊友，所以今場波會以「野獸」夥拍胡仙歷掛帥，胡仙歷為咗保住正選席位，今仗仲唔搏老命爭「士哥」咩？

睇番數據，「斑馬兵團」上季聯賽總共有31次先開紀錄，要知道拉素今時今日仲要靠35歲嘅高路斯開飯，「K神」歷來代表不來梅、拜仁同拉素總共7次正選上陣鬥祖雲達斯都冇波入，第一隊入球冇理由唔捧「斑馬兵團」啫！