艾美利亞做慣「提款機」 巴塞「-2」照炒得起

猪拉多纳

聯賽全勝嘅巴塞隆拿今晚會作客「不勝之師」艾美利亞，有尼馬同美斯兩大球王喺度，要按慣例炒起對手照計冇難度，讓夠2粒都好，一於直取2.05倍「讓客」啦！

（now632台周日凌晨0:00直播）
艾美利亞開咧6戰不勝

啱啱由乙組升番上西甲嘅艾美利亞，過去一直都係巴塞嘅「提款機」，單睇兩軍近4次對賽，「地上最強」全勝之餘仲要喪入19球同只失1球，就知艾美利亞畀巴塞食到應一應！呢支升班球隊今季確實唔多掂，6場全部不勝之餘仲要勁失15粒，就算前線鋒力唔差，條後防弱到咁，今場唔輸鑊甘就奇喇。

睇番巴塞開咧至今嘅6支聯賽對手，除咗馬拉加之外，冇一隊可以避過至少失3粒嘅劫數，除咗美斯近3場聯賽有2球進帳，尼馬亦已射入西甲第1球，加埋法比加斯同埋柏度洛迪古斯等猛將，艾利美亞唔係諗住可以逃得出「地上最強」嘅魔爪下話？