韋達揀川河猛駒有理

猪拉多纳

　　本欄昨日提及，今季韋達與蔡約翰合作減少，奉行「貴精不貴多」，結果話口未完，周日韋達九駒上陣，蔡廐馬竟然只騎得一匹咁大把。

　　正如賭博士所指，韋達為了穩住江山，以抗拒潘頓、田泰安，以及稍後抵港的莫雷拉來犯，他現階段對待胯下坐騎，不得不精挑細選一番，如若「外線」馬房有靚馬提供，就連老蔡也冇面畀，照樣拒諸門外。

　　回說周日尾場賽事，韋達與多個馬房關係友好，本來有不少「外線馬」可揀，甚至是蔡廐的「勁勢」，新勝猶勇捲土重來，也是不錯的選擇之一。惟他千揀萬揀，居然揀來上仗跑第八的「川河猛駒」，認真耐人尋味。

　　細看上仗走勢，其實「川河猛駒」也非太差，畢竟首度在港比賽，熱身性質兼測試性能，落敗可以理解。但排十一檔的牠沿途走三四叠，期間更曾受阻，最終卻僅輸五個身位，換個角度講，表現已算有板有眼，韋達對之垂青，予人感覺有的放矢，不可不防。（賭博士）