萬事勇火旺步輕快

猪拉多纳

　　昨晨出跳馬踴躍，有賽程之馬佔數亦不少、草地千八米開放供馬匹試跑或彈閘，惟無甚精采鏡頭。

　　「萬事勇」蔡明紹試八百米，按韁慢跑，腳步輕快，暗火旺盛，予人印象甚佳。

　　「羅馬神駒」蔡明紹試八百米，出腳靈活自然，肌肉結實，雄勁內蘊，勇況持續。

　　「你知我贏」助手、「升力」助手同試八百米，前駒佔先乘多帶放，後駒亦步亦趨，最後二百米外檔的「升力」加速趕上，一齊衝線，步整有力，朝氣蓬勃，仍具作戰水準；「你知我贏」連拼未疲，八九分勇。

　　信眼光馬身現線條

　　「信眼光」助手試四百米，從容淡定，馬身現線條，活力充沛，早已操好有態。

　　「舖舖順」何澤堯、「喜競寶寶」助手相偕試八百米，前駒佔先兩乘多帶放，後駒如影隨形，電算機前外檔的「喜競寶寶」獲准展步上前，三扒兩撥便以頸位壓住廐侶過終點，步幅開得闊，衝刺挺勁，續好多少；「舖舖順」腳法頗熟，收身上力，及時催起。

　　「仔仔女女」吳嘉晉試八百米，出腳順暢而有力，生氣勃勃，健康冇問題，長期呈勇。

　　「連戰連勝」蘇狄雄、「蓋世子牙」黎海榮聯袂試八百米，前駒佔先乘多帶放，後駒按實跟隨，最後一程外檔的「蓋世子牙」稍鬆韁繩即穩步上前，叮噹馬頭過終點，走勢硬朗，落腳有彈性，好過上賽；「連戰連勝」試來似模似樣，有復甦迹象。

　　四季彈力充盈

　　「四季」韋達在草地試八百米，步幅開得闊而彈力充盈，饒富火氣，近況有進冇退。

　　「威水福星」巫斯義試八百米，沿途搶住去，被騎者拉到口擘擘，體格強健，有火有力，狀態平穩。

　　「好香港」巫斯義試八百米，動作靈活，勁力均勻，神色亦好，九分光景以上。

　　「神奇飛龍」助手、「創出商機」助手結伴在草地彈閘，閘啟時後駒向上跳一跳，稍為落後的牠逐步追趕，埋門愈衝愈勁及贏一乘而回，未見低落；「神奇飛龍」步伐穩健，在回起中。