甘巴爾再領阿聯取勝

猪拉多纳

今日澳職獨腳戲，由阿德萊德聯坐鎮主場迎戰墨爾本勝利。前傑志主帥甘巴爾接掌兵符後，阿德萊德聯立即重拾勁旅本色，雖然今仗兩名主力坐波監，但面對死氣沉沉嘅墨爾本勝利冇有怕，主W可謂手到拿來。

（有線64台周五下午4時30分直播）
墨爾本勝利近況曳

港甲傑志前教頭甘巴爾今季接手阿德萊德聯後，致力將球隊西班牙化，從上仗贏珀斯光輝嚟睇，阿聯嘅地面進攻組織稍現雛形，踢出霸氣，其中留住射手摩拉利斯紐曼更係關鍵所在，呢位阿根廷前鋒喺揭幕戰連省兩粒，成功為球隊打響頭炮，腳風超順。儘管有中後場兩大主力伊沙亞斯及保加特領紅要服刑，但今仗對手墨爾本勝利狀態曳到冇朋友，計埋季前熱身賽，已經連續三仗不勝兼冇士哥，士氣低落，加上近四聯賽作客阿軍全部輸晒，相信好難全身而退，主W乃不二之選。