見招拆招:好德煌係時候交代

胜保罗

見招拆招:好德煌係時候交代
 
谷草賽事到底利放或利追，好多時賽前都難以估計，但其實萬變不離其宗，只要睇睇頭兩、三場韋達嘅走位，到底佢鍾意走內欄定係外叠，都大概可睇得出跑道有否偏差，皆因騎者嘅場地智慧一流，縱然筆者一向唔多鍾意投注韋達嘅坐騎，但都對佢嘅跑道智慧高度評價。

周日舉行谷草日賽，由於已有一段長時間冇安排同類賽事，到底屆時跑道利放定利追，可能唔係咁易估計，如果想簡簡單單唔用腦嘅話，不妨直接投注韋達坐騎，相信可以靠騎者嘅醒目走位贏番多少馬本。

第二場四班千二米，「好德煌」大前仗在谷草一千米上名，其後分別在田草千四及泥地千二米一再試準後勁，今仗終於回師谷戰睇怕都係時候交代，韋達與賀賢久未合作，隨時憑此駒擦出火花，值得捧場。

第三場四班千二米，「高手」上仗在韋達胯下大熱搏失只獲亞軍，今仗轉戰谷草對手減弱，雖然蔡約翰較少在谷草贏馬，但此駒既然肩負補中使命，加上今次抽到三檔靚位，估計一定會拼盡，必須重視。