明民天下有人撐

猪拉多纳

　　今期沙田馬場舉行十場草地賽事，有兩場係級際賽，啲大馬房當然擺強陣出嚟搏殺，所以好多場都搵到重心馬，相信今日都係熱門天下。

　　噚日睇飛，發現四匹負133磅嘅賽駒有怪飛（見表），孭住個大書包跑都咁多粉絲支持，唔係咁簡單，信一信佢好。四匹怪飛馬中，周某最鍾意第一場「明民天下」，呢匹馬今季跑過兩仗，唔知係咪賴維銘騎，最後獨贏賠率都有10倍以上，前仗季內初出20倍，上仗就16倍開跑，最終唔入三甲。

　　今戰葉楚航決定搵潘頓幫手騎「明民天下」，負頂磅一樣唔怕，隔晚得8.7倍W，一於捧佢。騎師王方面，韋達做大熱有3.25倍，今次唔捧等幾時？(周仲)