城中話題蓄銳一擊

猪拉多纳

　　近日本地馬圈焦點俱落在莫雷拉身上，不過對於另一位重臨客串的騎師郭能，無論賽前賽後，坊間皆無甚人品題。賭博士向來喜歡低調騎師，皆因無人注意關係，坐騎往往有超預期賠率，正如剛戰郭能首日重臨作賽，胯下兩駒全入位，其中「跑贏大市」11倍，「塑料盈」19倍，就算單講位置，彩派也極可觀。

　　來到今次賽事，賭博士屬意繼續吼實郭能，誠如上文所說，因為他暫時未為外界重視，坐騎賠率因人而冷，加上他又是騎得之人，既然有合理回報，便完全符合菠菜之道。

　　先講第六場「城中話題」，上季加盟方廐九戰無功，期間僅三次入位，質素見盡並無疑問。惟話說回來，此駒曾於二班1400米跑第二，級數高於今場對手，目前評73分，較當時減去8分之多；再者，今仗是牠季內初出，唞唞埋埋蓄銳一擊，演出說不定判若兩駒，臨場成冷絕對博得過。

　　至於第十場「魅影蹄飛」，勝後再出跑第五，敗亦未算脫節，可視勇態猶在。上日郭能騎姚廐兩駒皆入位，證明輝哥對之賞識，今騎練再來合作「魅影蹄飛」，由於二人合作上名率高達百分百，雖然基數暫時只得兩場，但數據未斷纜前，仍要高度高視。(賭博士)