勝哥兒磅輕突圍

猪拉多纳

　　方嘉柏馬房今日合共派八駒參賽，賽前有消息傳出，指列陣第八場1600米的「勝哥兒」有機會捧走沙田錦標；此駒實力不弱，縱使這次跑本地二級賽亦毫不輸蝕，尤其只負113磅上陣，形勢十分有利，馬勇路合兼配上好手田泰安，馬膽不作他想。

　　主要對手當然是馬王級的「軍事出擊」及「加州萬里」，就算齊齊負重磅也不能睇小；此外，「事事為王」貴為上季打吡盟主，本身實力雄厚，當然要加入考慮。

　　另外，胡森是今季唯一未開齋之馬房，所謂知恥近乎勇，今日對其戰馬不妨多加留意；此廐一眾上陣馬中，最具勝望是第三場「至勝威龍」。

　　胡森係時候發「威」

　　此駒潛力不弱兼是田戰好手，跑1600米更是其所長，上仗乃其季內初出，馬匹熱身未夠狀態不足，未能交出水準可謂情有可原。「至勝威龍」今次改配郭能執韁，騎者重臨戰意明朗，加上牠跑順後有一段強勁衝刺力，此類馬正合郭能發揮，馬在四班必佔便宜，有力替胡廐打開今季勝門。

　　同場有力與「至勝威龍」一鬥的是文廐「勝利攻略」，此駒質新當勇，上仗身肥只得幾成狀態仍勝，可見早備勇態，勝後馬匹續有進步，今番續配潘頓再來，就算排十二檔亦要兼顧。