熱刺再戰侯城追多鋪細

猪拉多纳

冤家路窄！熱刺兩日前先喺英超對完侯城，話咁快兩隊喺英聯盃16強又再碰頭，而且同樣係熱刺主場出擊，上場熱刺小勝侯城1比0，嗰場有辦你睇，一於再追細。

（周四凌晨3時45分開賽）

熱刺上場喺白鹿徑大部分時間都攻唔入防守力強嘅侯城，要去到80分鐘先至博到12碼贏波，就知侯城唔易應付。

今場兩隊再喺盃賽再遇，以保亞斯一貫嘅作風，主力踢聯賽，冇咁重要嘅盃賽就派副選上陣，既然上場精銳盡出都贏得咁辛苦，今仗用副選就更加冇把握。

侯城上場踢得唔曳但輸波而回，球隊上下都覺得嗰球12碼輸得無辜，今場難得有機會可以即刻搵熱刺尋仇，球員實會加二錢肉緊，但始終球隊攻力疲弱，預料今仗都係會以穩守為先，因此睇唔到有大手交易嘅理由，一於追多鋪細。