烏德勒支平手盤筍過龍

猪拉多纳

操盤手擅於捉摸投X人士心理，製造「筍盤」假象氹人落疊，其中一個手法係開平手盤引人，例如今晚荷甲賽事烏德勒支主場對海倫芬，烏軍本季喺各項賽事主場未嘗敗績，包括戰勝實力分子阿爾克馬爾，近年對住海倫芬亦佔上風，條件四正！不過，烏德勒支集咁多有利條件於一身，何解仲有平手盤玩咁筍？菠菜世界好少有咁大隻蛤乸隨街跳，大家要小心。

（周日晚11時30分開賽）
摩納哥隨時畀氹你踩

今日都有唔少賽事出現類似情況，基達菲主場對名牌球隊華倫西亞，華倫連續三場聯賽輸波，唔少人都追佢哋贏波反彈，莊家仲開個平手盤出嚟，真係引死人，呢場同樣要提防係投X陷阱。至於法國富豪球會摩納哥作客里爾都係做緊平手盤，摩納哥今季殺聲震天，逢出必熱，今次唔使讓波有啲景轟，記住睇路喇！