新特蘭護級唔敢貪盃

猪拉多纳

修咸頓戰意盛捉「貓」

今晚英格蘭聯賽盃16強有場獨腳戲，由新特蘭主場對修咸頓。「黑貓」改由新帥普耶執教後，戰績冇太大改善，仲隨時提早打護級戰，邊得閒爭盃仔。即使今仗受讓平半都信唔過，一於撐1.84倍上盤。

（開賽時間︰周四凌晨3:45）
主隊防線唔齊章

新特蘭上場輸畀侯城全失3分，中場卡達莫、守將杜辛拿又齊齊領紅，今仗要停賽。雖然中堅布朗已經復出，都好難即時改善球隊今季12戰得1次保持清白身嘅豆腐防線。而且佢哋下場又要喺主場硬撼曼城，今晚仲邊有心機踢。

已經連續8場不敗嘅修咸頓，梗係想爭盃仔增加出戰下季歐洲賽嘅機會。就算佢哋收埋部分主力，以翼鋒加斯頓拉美利斯、中場史提芬戴維斯等人嘅級數，都足夠砌低無心戀戰嘅新特蘭。