費倫食飽益晒彭杜歷

猪拉多纳

歐霸盃E組，費倫天拿作客羅馬尼亞球隊彭杜歷，費倫出線機會高唱入雲，爭勝決心成疑，而且教練蒙迪拿慣用副選應付呢項「二奶盃」，小心提防呢支意甲球隊「獲利回吐」。彭杜歷瀕臨出局，為向主場fans交代，應會盡力保不敗，要彭杜歷讓球主勝。

（有線63台周五凌晨2時直播）

費倫分組賽3戰贏波贏盤食到飽晒，但球隊其實並唔太重視呢項賽事，教練蒙迪拿近兩輪都收起射手基奧斯比羅斯，更何況現時出線在望，相信呢位意大利國腳又會做觀眾，加上兩位中場岩布仙尼及馬高巴基治有傷在身，殘陣兼戰意不足，讓波好牙煙。彭杜歷出線機會渺茫，但佢哋難得參加歐洲賽，會好好把握每場比賽，望打出名堂，鬥志有保證，仲有主場球迷打氣，可以唔使輸。