迪科爾狂數胡 熱刺好難「舒」

猪拉多纳

熱刺今晚喺歐霸盃K組迎戰舒列夫，倘箭頭迪科爾入波將超越球會名宿馬田芝華士，獨攬歐洲射手王稱號，同時為避免成為「下一個」艾迪巴約，呢名英格蘭國腳今場面對「魚腩」舒列夫，落到場勢必腳腳七注狂數胡，縱然辣讓兩球都照捧1.8倍「讓球主勝」！

（有線61及201周五凌晨4:05直播）

自從蘇爾達杜登陸熱刺，艾迪巴約隨即被保亞斯投閒置散，將佢列為「失蹤人口」絕對唔誇張。呢名「落難」多哥王子日前接受英國《太陽報》採訪時更直言「瀕臨死亡」：「我試圖保持自己嘅信念，但依家已經跌落低谷，低到冇得再低，除咗死，冇比依家更惡劣嘅狀況。」
舒列夫缺悍將美利

眼見昔日合作無間嘅好拍檔失寵，迪科爾查實都唔好得幾多，喺英超正選機會寥寥可數，好在佢成功將自己轉型為「盃賽射手」，除咗頭三輪分組賽場場有進帳，連同歐霸盃附加賽及英聯盃，6場波合共貢獻8球。何況今場入波嘅話，將會超越名宿馬田芝華士嘅22球歐洲賽入球最多紀錄，成為熱刺歐洲賽No.1射手。日前喺英超被愛華頓射手盧卡古撞到滿天星斗嘅洛里斯，賽後經過詳細檢查後證實傷勢無礙，今場能夠繼續替熱刺把守最後一關。前有迪科爾衝鋒陷陣，後有洛里斯堅守城池，要延續分組賽3戰全勝佳績，易過借火。

對手舒列夫雖然喺摩爾多瓦甲組聯賽踢到曉飛，近12場11勝1和，可惜嚟到歐洲舞台明顯唔夠班。今場防線悍將美利繼續坐波監，上輪喺自己地頭都淨吞熱刺兩蛋，今晚到訪倫敦隨時輸夠Double！
歐霸盃K組

Data King 熱刺歐霸全開「讓球勝」

‧熱刺今屆歐霸盃5戰全部開出「讓球勝」。

‧熱刺箭頭迪科爾喺歐霸分組賽場場有波入。

‧熱刺5場歐霸賽事合共攻入15球不失1球。