比利時 哥倫比亞駁火做大騷

猪拉多纳

今晚熱身賽有比利時主場鬥哥倫比亞，「歐洲紅魔」今次會強陣出擊，夏薩特、費蘭尼等球星精銳盡出，但客軍亦都有吸引到莫連奴嚟觀戰嘅法卡奧壓陣，肯定爆發一場精彩「大」戰，直取2.1倍入球大啦！

（開賽時間：周五凌晨4:00）

比利時同哥倫比亞都已經分別躋身世界盃決賽周，今場梗係把握機會同對手切磋啦！比利時相隔12年後再次打入決賽周，全因佢哋近代人材輩出，單睇門將位置有泰拔高圖爾斯同米洛列特爭位，就知有幾星光熠熠，不過前者日前操練中受傷，前線亦有維拉射手賓迪基、車路士中場夏薩特同熱刺嘅迪比利等攻擊手，難怪可以造出10場世盃外圍賽不敗兼勁入18球嘅佳績，今場照計有力數番幾粒。
莫連奴入場（目及）實法卡奧

不過客軍哥倫比亞都唔嘢小，16場世盃外圍賽亦都喪入27球，其中9球更係由法卡奧一手包辦，英國傳媒話車路士領隊莫連奴已經準備大駕光臨比利時觀察呢位摩納哥射手，曼聯同皇馬亦都會分別派出估波，「老虎」想轉踢大球會嘅話就要畀多兩錢肉緊，入番兩粒同對手合演入球騷，相信難唔到佢。