勝利麻煩多西悉尼W得

猪拉多纳

澳職今日場西悉尼流浪者對墨爾本勝利，係排名第2同第4嘅對碰，本來係旗鼓相當嘅。不過勝利上場畀FC悉尼打破不敗身後，竟喺twitter專版公開諷刺球證「關照」FC悉尼球星迪比亞路，搞到滿城風雨，畀人感覺係輸咗波唔去自我檢討反而賴人，唔多唔少都影響球員比賽心態。況且勝利中場、澳洲國腳米利根同新西蘭射手巴巴路西斯畀國家隊徵召咗，實力減弱，今場作客睇怕難逃輸波厄運，捧1.58倍主W。

（有線64周六下午4:45直播）
勝利雙星被召踢太公波

西悉尼係目前澳職唯一不敗之師，雖然前鋒杜米祖歷同翼鋒靴斯受傷，不過後防核心比奧甘上場休息後可以復出，戰鬥力得以維持。況且日本「發電機」小野伸二前排又表明心迹，話明要喺呢隊波踢到掛靴，證明佢已經完全融入晒。咁有Heart，今季有望帶領隊友再創佳績。

相反對手勝利就麻煩多多，先係早排換教練後，由於踢法上更着重進攻，球員一時適應唔嚟搞到後防頻頻失波。而喺近期比賽，特別去到下半場都有集中力不足、走樣嘅情況，雖然教練梅斯卡特賽前特登同班球員商討改善方法，可惜今場始終有隊長米利根同射手巴巴路西斯缺陣，一時間要作客踢翻身波難啲囉！
頂占筍盤：西悉尼流浪者（主勝）