特寶樂方興未艾

不死鸟

競賽小組唔知係唔係睇?洛維早前響度講佢�\對韋達仁慈，所以日前即判罰韋達停賽兩日，好坦白講，上周日韋達策騎「金獅勇將」?不小心策騎，比起之前策騎「好知己」撞及「紅跑車」嚴重得多，今次策騎「金獅勇將」要罰停賽兩日，該次策騎「好知己」應該罰四日方合理，但該次唔使罰停賽，只係口頭譴責可謂不合理，而今次只係罰停賽兩日，又唔使罰錢，比起之前徐君禮被罰停賽，又罰錢，又再次大細超，難明？
今晚八場谷草賽事編排在Ｂ跑道舉行，呢條跑道較為利一至六檔馬，尤其1200及1650米，各位馬友選馬時，不妨留意此數據，新紮見習生蔡明紹，近期可謂氣勢迫人，頻頻有頭馬交出，上周一沙田賽事連中三元做騎師王，剛戰周日谷草又起孖，雖然唔係贏師傅告東尼?馬，但能贏外線馬，更能突顯其騎功已被其他馬主及練馬師信任有加，睇其氣勢如虹，今晚依然有頭馬交出一?不奇，值得追捧，而今次賽事洛維仍睇好他策騎葉楚航馬房的「八運寶」，現推介給馬友參考。
 

八運寶梅開二度

第六場第三班1200米。「八運寶」上仗在四班谷草1200米打開首次勝門，可謂只用八成功力，因該役排不利十二檔，蔡明紹利用此駒前速，一早將其置於前領放，雖然早段搶放係耗?多少氣力，但馬匹依然段段快開直領到底取勝，反映此匹四歲馬，現處升軌之外，亦顯露其實力高強，而今次升高一班作戰，對此匹實力強勁馬無礙進取，上仗負126磅排不利十二檔全程快放到底取勝，今次只負113磅兼排九檔，形勢比上仗更為有利，質高勇馬再爭勝途，原裝配搭連捷無難度。
第八場第三班1650米。「特寶樂」上仗久休兩個月復出田草1400米得第二，路短兼狀態未十足有此表現，擺明恃質搭夠，拚後勇態有進，今次增程跑谷草1650米，對其有利追趕，而今戰對手無上仗田草咁強，方嘉柏動用王牌，已擺明來意決心爭功，質態俱備佳駟，力足贏馬補中。