駿盈韋達不罷休

不死鸟

第四場四班1650米。「駿盈」上次落班配韋達即有飛，出閘最快，力留至直路衝刺之際卻苦無空位，末段200米根本無騎過，看台型及腳法敢信質超此班，敗後隔兩周再吼同程打主意，韋達續策必胸有成竹，雖然體重只達一千磅，卻出奇地?得起重磅，今場可作重心。
「信賴」屬易位難贏一族，上次在嫌短的1200都入圍，反映居四班佔到甜頭，今次改用蔡明紹移師更合性能的一哩，以鞍上人近排氣勢，唔捧W都要拖Q。「夠信心」上次僅輸畀「確叻星」是好賽績，話晒第三名「八運寶」再出補中，原班人馬操足捲土重來，力足介入戰團。「哈哈大少」上次同程入Q，七歲馬難望再有進步，不過其餘對手更覺不濟，可入三至五名。
第五場四班1650米。「更奇妙」八歲馬難得被徐雨石搞妥，剛賽取勝水準肯定談不上，但要知道抽大外檔唔易克服，今次上四班再配蔡明紹一下子減12磅威力依然強大，抽內檔同場對手鮮有速度，過去已證明有態時可以打疊好，挾新勝餘威有權再下一城。