|
|
上輪比賽前仍貴為全英超防守力最強的熱刺和修咸頓，一場波粉碎咗佢哋個金漆招牌。講吓修咸頓先，話說賽前修咸頓為英超失球最少球隊，仲喺自己網頁上寫上 “Welcome to the wall”，表示自己座城牆夠穩，以最強防守來對抗兵工廠的火力。點知把守最後一關嘅保路錫唔生性，一向表現好平穩嘅佢，喺22分鐘突然又插花又假身，就畀身邊嘅基奧特偷走個波仲射埋入網，我睇到基奧特入波後仲講咗聲多謝添。
至於熱刺仲慘，開波第1分鐘就失波，而且一對中堅好似黃大仙咁，曼城球員當然就唔客氣啦，攻足全場，最後輕輕鬆鬆喪炒熱刺6比0。熱刺唯一保持到表現就係佢哋嘅前鋒，照舊入唔到波。賽後領隊保亞斯不停向球迷道歉，但我覺得保亞斯不如快啲諗吓點幫球隊搵出個改善表現嘅方法好過啦。聽晚《球分》就會同大家探討一吓熱刺嘅表現！（now 101周五晚10時30分直播）
卡城摸和曼聯抵讚
今個星期我就最欣賞卡迪夫城，佢哋對住曼聯打到生龍活虎，前鋒費沙甘保可能因為倒戈關係直頭上身一樣。雖然最後只係打和2比2，但呢1分真係非常寶貴。今個星期佢哋對住阿仙奴，兩隊都咁好狀態，一定會打得燦爛，不過我都係睇高阿仙奴多啲，希望兵工廠繼續贏波迎接英超聖誕快車啦。
（now 621周六晚11時直播） |
|
金睛卡
发表于 2013-11-28 09:27
变色卡
显身卡