高普有難緬恩斯繼續感恩

猪拉多纳

德甲緬恩斯主場對多蒙特，多蒙特聯賽兩連敗，爭霸形勢告急，好在有私房菜緬恩斯幫手，多蒙特教練高普喺緬恩斯成名，曾帶領球會最得重大成功，及後高普轉投多蒙特，對番緬恩斯都多數贏波，相信今場緬恩斯會繼續感恩送分，黑柴撐多蒙特客Ｗ。
帶多蒙特向舊主討債

高普球員時代効力緬恩斯唔算好成功，不過自○一年轉任教練後，七年間除將呢支名不經傳球會帶上德甲外，更一度帶到歐洲戰場。高普○八年轉投多蒙特，仍然視緬恩斯為子弟兵，至於緬恩斯由高層、職球員甚至球迷，對高普都維持深厚感情，少帥杜曹更視高普為偶像，對佢敬若神明，不過高普對舊主就老實唔客氣，兩軍近三季德甲六度交鋒，多蒙特五勝一和未輸過，當中三次高普領軍作客返嚟布治維球場都贏波而回，對舊主好似討債咁討。

多蒙特近期防線傷兵成災，聯賽接連輸畀禾夫斯堡同拜仁後，已被拜仁拋離七分，聯賽二哥席位亦畀利華古遜搶去，想維持爭霸夢，現階段不容再失，好在球隊啱啱喺歐聯大破拿玻里，狀態同信心返晒嚟！呢兩季實力跌Watt嘅緬恩斯，預期會再做多蒙特搶分嘅及時雨，客Ｗ穩陣。
有線64及203台直播