諾域治水晶宮悶戰捱細界

猪拉多纳

英超榜下游球隊諾域治同水晶宮今晚將會碰頭，「金絲雀」諾域治雖有主場之利但近期狀態唔掂，近七場輸咗成五場，難以攻入守強攻弱嘅水晶宮，捧入球細。
水晶宮入波英超最少

諾域治今夏大破慳囊，用咗1,350萬鎊（約1.7億港元）買入三名前鋒雲禾夫斯雲高、艾文達同加利賀柏，但呢筆錢同倒落鹹水海冇分別，呢三名前鋒喺聯賽加埋先入得兩球，對球隊進攻一啲幫助都冇，結果「金絲雀」踢咗十二場波先入咗十球，排喺十六位處於降班邊緣，真係醜死怪！

至於水晶宮上場作客對侯城終於贏波，係近九場嘅首場勝利，再加埋新帥佩尼斯今場首次領軍，球隊氣氛好轉，但值得留意嘅係呢位前史篤城領隊戰術不嬲保守，今仗作客更加唔敢輕舉妄動，預料會以守為先，加上球隊又冇乜進攻本錢，係英超入波最少一隊，所以都係捧細為妙。
now 625直播