旅遊小子盡收失地

不死鸟

第二班1200米，「三和之星」來港前三戰短途全上名，上仗在港插班初出同程，排最外檔關係被逼留前鬥後，直路受阻遲望空仍衝入第四，拍住同到的「牛精金星」再出已補中，反而此駒一直操而未戰，一心揀大賽日才復出，馬房團體馬戰意堅，跑出水準力足橫掃。配腳方面，「皇帝出巡」近仗增程角逐效果一般，今次回師首本路程效果不同，肯下決心有權介入戰團。再揀可取路程專家「紀利威龍」及上仗敗於意外的「步步快」。
第四班1400米，「旅遊小子」季內五戰表現漸入佳境，上仗1200米末段受困下仍輕鬆敗近，走勢徹底露光，難得復課馬房明刀明槍打磨，來港前曾贏1300米，增程正合發揮，配合葉廐攻勢而來值得留意。配腳方面，「星光熠熠」型格吸引腳法亦佳，至今仍無表現絕非銀樣臘槍頭，只是本身遲熟而已，今次賽前有完整操練，初落四班有權反彈。再揀留意佔班利「同歡笑」及「駿馬繽紛」。