紅日千四食住上

不死鸟

周三晚谷草賽事，勞愛德老馬有火，頭場「超理想」爆大冷食頭胡，力擒搏殺有心的華?「幸福得寶」，隨後再替霍利時贏匹「神鑽福將」及「超勝」入Q，以30分首度封騎師王。而梁定華及霍利時展開全晚攻勢，前者共取一冠兩亞一季，後者更取兩冠兩亞，?匹「去馬」僅僅叮噹馬頭影輸給「孫子奇兵」，有起動靜全倉去馬唔係講玩。當然還有主場出擊的方嘉柏，全晚出三駒都可起孖，唔到你唔服，「霹靂子彈」與「特寶樂」皆配普萊西建功，騎者早前在祖家客串受傷後終破悶局，看來又要多得呢位咁有人情味的練馬師。至於近期由於幾位新紮師兄冒起，座騎減少的柏寶，替文?騎「哈哈大少」及「茂年精英」力拚僅能屈居第二，敗亦無話可說。
周日女皇盃大賽日，柏寶全日出九場，胯下不乏爭勝座騎，看來起孖不難，當中「連利精英」及「紅日」可優先留意。前駒季初打疊贏1200米後，升班兩仗增程跑1400米落敗非戰之罪，小休重整旗鼓，埋門拍試勁強，回爭首本程負輕磅，威脅力強。「紅日」1400米連捷有餘未盡，超級馬升班無阻力，復課有進無退，少負12磅再攻強項，三捷可期。