好計劃配柏寶打真軍

不死鸟

前晚賽事，賽果雖然未算太過忽冷忽熱，但頭場率先爆隻六十倍?「超理想」都幾嚇人，勞愛德跟手多取一冠一亞，以30分首度封騎師王，這位南非老將手風轉佳，肯定要拜鄉里霍利時所賜，騎練近期合作轉趨頻密，相信餘下日子，霍利時的冷門都會多由他代勞。全晚大熱掄元者有三倍「亞洲橙王」、兩倍「八運寶」及一點五倍「孫子奇兵」，熱門客料不致太過失望。
反而比較失望係「天鷹」，在田草減分一輪後，今次返到谷草主場即有飛，然而全程走三疊望空埋唔到尾，五檔起步都唔夠人快，純粹鞍上人決心不足，但大抵已反映馬匹目前評分處於有利水平，要開始跟進了。
周日十場賽事，編跑季內最後兩項國際一級賽，繼為女皇盃及冠軍一哩賽，戲碼強勁兼星味十足，真係唔買都要睇�小５谑畧龆�班1600米，「好計劃」季內一再錯失機會，上場遇到超慢步速根本無得追，小休個月整裝待發，今次同場有「夢幻組合」、「家家寶」擺前走，縱使唔快都會有正常步速，用番上季夥拍一出即勝的柏寶助陣，有望取得今季首場勝利。