AC翻生追殺利禾奴

猪拉多纳

AC米蘭管理層權鬥結束，球隊翻生！老闆貝魯斯干尼一錘定音，解決太子女芭芭拉同副會長加利安尼嘅權力分配後，消除不明朗因素，球員可以專心搏殺，兩位球星卡卡及巴洛迪利帶頭做好戲，成功振奮軍心。AC現時士氣處於高峰，勢必乘勝追擊，今仗作客可輕取利禾奴，捧客勝。
卡卡巴神交足貨

「紅黑兵團」上月主場人多打少人都被熱拿亞逼和，搞到賽後被fans包圍，球員幾乎返唔到屋企，認真羞家。慶幸佢哋仲有榮辱感，大踢爭氣波，分別喺歐聯同意甲作客擊敗些路迪及卡坦尼亞，卡卡及巴洛迪利仲攜手入波，兩位大佬咁搏命，亦激起隊友鬥志，AC已經重拾昔日霸氣，無懼任何對手。更何況利禾奴弱過藥煲，近九仗竟得一勝一和七負，上仗仲慘吞另一支魚腩基爾禾三蛋，試問點抵擋來勢洶洶嘅AC米蘭。
TVB 301直播